1. Notum sit omnibus tam futuris quam presentibus, qualiter Heinricus (Longus) emit domum illam domui sue adherentem sibi et uxori sue Elisebedi et eorum amborum liberis pro Godefrido; et hoc fecit coram civibus et civium magistris et coram iudicibus et rectoribus, et ipse tam firma stabilitate acquisivit, sicuti iure debuit et sicuti nullius contradictione possidere debet. Ad confirmandum superscriptum testimonium dedit ipse amam vini civibus, et etiam iudicibus dedit testimonium, ut sint sibi testes, si opus fuerit. Si aliquis huic testimonio credere non vult, veniat ad titulum iudicum et videat qualiter ibi inveniatur veritas confirmata. Post hec quidem idem Heinricus (Longus) veniens in domum agendarum rerum Godefridi filio et heredi Ricolfo dedit 3 marc., ut suo consensu hec supradicta confirmata forent, cuius heredis et sui mundeburdi Sifridi concessu domum illam uxori sue Elisebedi tradidit presentibus senatoribus et fratribus.
|
